Halina't tuklasin ang mga hiyas ng panitikang-bayan ng Filipinas sa pagbabalik ng programang, Sa Kuwento Natin! Ang Sa Kuwento Natin II: E-Storytelling ng mga Orihinal na Pábulá ng Filipinas ay magbibigay-búhay sa anim na kuwentong muling-isinalaysay ni Virgilio S. Almario, National Artist for Literature. Abangan ang paglulunsad ng bawat kabanata dito sa Sentro Rizal-NCCA YouTube Channel mula Agosto 21 hanggang Setyembre 18, tuwing Sabado, alas-6 ng gabi (Oras sa Filipinas).

Pinaniniwalaan na ang misteryosong Bundok Arayat sa lalawigan ng Pampanga ay punô ng mga alamat. Ito raw ay tahanan ng diwatang si “Mariang Sinukùan” na siyáng nagpoprotekta sa lahat ng uri ng halaman at hayop ng kabundukan. Upang mapanatili ang kaayusan, sinasabi na may hukuman si Mariang Sinukuan at sa hukumang ito nililitis ang mga nagkasálang hayop, ibon, o kulisap. Ang Hukuman ni Sinukùan ay muling-isinalaysay ni NA Virgilio S. Almario, at bibigyang-búhay ng kuwentistang si Liway Gabo at ng mga ilustrasyon ni Fran Alvarez, sa direksiyon ni Malcolm A. Velazco. #SentroRizal #PhilippineFables #Panitikan #Pabula #Sinukuan #Arayat #KulturaPH #PhilippineLiterature #PhilippineCulture #SaKuwentoNatin

Ang ikaapat na kabanata ng Sa Kuwento Natin II ay magtatampok ng dalawang pabula! ANG SINGSING NG LAWIN Ibong mandaragit kung ituring ang lawin. Ngunit, bakit nga ba paborito nitong dagitin ang mga sisiw ng inahing manok? ANG MULAWIN AT ANG KAWAYAN Malaking bahagi ng kulturang Filipino ang kawayan dahil ginagamit ito sa iba’t ibang tradisyon, sining, pagdiriwang, at sa pang-araw-araw na gawain. Sa panitikan, ayon sa alamat, ang unang lalaki at unang babae ay nagmula sa isang pirasong kawayan. Sa kuwento natin, ipapakita naman ng kawayan ang kahalagahan ng pagpapakumbaba. Ang mga kuwentong ito ay muling-isinalaysay ni NA Virgilio S. Almario, at bibigyang buhay ng kuwentistang si Chase Salazar at ng mga ilustrasyon nina Abi Goy at Domz Agsaway, sa direksiyon ni Malcolm A. Velazco. #SentroRizal #PhilippineFables #Panitikan #Pabula #SingsingNgLawin #MulawinAtKawayan #KulturaPH #PhilippineLiterature #PhilippineCulture #SaKuwentoNatin

Mula sa di-pagkakaunawaaan ng isang matsing at ng isang tutubi, nauwi ito sa digmaan ng dalawang pangkat ng hayop. Sa laki at dami ng armas ng mga matsing, dehado na ang mga tutubi. Sino kaya sa kanila ang magwawagi? Ang pabulang tampok ay muling-isinalaysay ni NA Virgilio S. Almario, na bigyang buhay ng kuwentistang si Gelo Lantaco at ng mga ilustrasyon ni Jamie Bauza, sa direksiyon ni Malcolm A. Velazco. #SentroRizal #PhilippineFables #PhilippineTales #KuwentongPambata #KwentongPambata #Panitikan #Pabula #MatsingAtTutubi #KulturaPH #PhilippineLiterature #PhilippineCulture #SaKuwentoNatin

Ang unang pabulang tampok sa "Sa Kuwento Natin II" ay sinasabing nagmula sa mga Ilokano at may bersiyon din ang mga Kapampangan at Bagobo. Gayumpaman, ang bersiyon ng kuwentong isinulat at iginuhit ni Jose Rizal ang naging mas kilala, at itinuturing ding isa sa pinakaunang komiks na likha ng isang Filipino. Ang kuwentong Si Pagong at si Matsing na muling-isinalaysay ni NA Virgilio S. Almario ay bibigyang-buhay ng kuwentistang si Earle Figuracion at ng mga ilustrasyon ni Liza Flores, sa direksiyon ni Malcom A. Velazco. #SentroRizal #PhilippineFables #Panitikan #Pabula #PagongatMatsing #JoseRizal #KulturaPH #PhilippineLiterature #PhilippineCulture #SaKuwentoNatin

Ang pilandók (Tragulus nigricans) o Philippine Mouse-deer sa wikang Ingles, ay kilalá rin sa tawag na Balabac Mouse Deer. Ito ay matatagpuan lámang sa maliliit na isla ng Balabac, sa timog-kanlurang Palawan. Sa mga kuwentong-bayan ng Filipinas, si Pilandok ay tuso at talagang mapanloko! Ang kuwentong Maranaw na muling-isinalaysay ni NA Virgilio S. Almario ay bibigyang-búhay ng kuwentistang si Gabo Tolentino at ng mga ilustrasyon ni Ivan Reverente, sa direksiyon ni Malcolm A. Velazco. #SentroRizal #Pilandok #PhilippineFables #SaKuwentoNatin #BuwanNgWika #PhilippineLiterature #Panitikan #PhilippineCulture